“Бир миллион дарахт” акцияси давом этмоқда

  Навоий вилоятида “Юксалиш” умуммиллий ҳаракати ташаббуси билан мамлакатимиз бўйлаб ўтказилаётган “Бир миллион дарахт” шиори остидаги акция кўтаринки давом этмоқда.
  “Юксалиш” умуммиллий ҳаракати ташаббуси билан бошланган “Бир миллион дарахт” акциясига Навоий вилоятида ҳам расман старт берилди. Шу муносабат билан Навоий шаҳрида ташкил этилган тадбирда Навоий вилояти ҳокимлиги вакиллари, “Юксалиш” умуммиллий ҳаракати раиси, нодавлат нотижорат ташкилотлар вакиллари ҳамда фахрийлар сўзга чиқиб, барчани ушбу акцияда фаол иштирок этишга чорлашди.
 Навоий шаҳрида бошланган тадбир кун давомида давом этди. Бунда қурғоқчилик ва иссиққа чидамли кўчатлар экилишига алоҳида эътибор қаратилди. Шунингдек, каталпа, шарқ туяси, сирень, қайрағоч каби кўплаб манзарали дарахт навлари ҳам экилди. Навоий шаҳрида старт берилган тадбирлар вилоятнинг барча туманларида давом этмоқда.
 Ушбу тадбирда Навоий вилоят Иқтисодиёт ва саноат бош бошқармаси ишчи ходимлари ҳам фаол иштирок этишди. Бош бошқарма ходимлари бирдамлик билан жами 400 дона манзаради дарахтлар кўчатларини экишди.