» » » Go‘sht, shakar, yog‘ va kartoshka QQSdan vaqtincha ozod etiladi

Go‘sht, shakar, yog‘ va kartoshka QQSdan vaqtincha ozod etiladi

15 октябрь 2020, Четверг
64
0

  

Pandemiya davrida aholi va tadbirkorlarni qo‘llab-quvvatlash, narxlar barqarorligini ta'minlash maqsadida Soliq kodeksiga qo‘shimchalar kiritilmoqda. Bu haqda Oliy Majlis Qonunchilik palatasi deputati Rasul Kusherbayev ma'lum qildi.


      O‘zgartishga asosan, 2020 yil 15 oktyabrdan boshlab quyidagilar qo‘shilgan qiymat solig‘idan ozod etilishi kutilmoqda:
2021 yil 1 yanvargacha O‘zbekiston Respublikasiga shakar va shakar xomashyosini olib kirish, shuningdek uni realizatsiya qilish aylanmalari;
2021 yil 1 iyulgacha O‘zbekiston Respublikasiga kartoshka, o‘simlik yog‘i, go‘sht (mol go‘shti, qo‘y go‘shti, tovuq go‘shti va boshqalar), hayvonlarni (qoramol va parranda) tirik holda va ularni so‘yishdan olingan mahsulotlarni olib kirish, shuningdek ularni realizatsiya qilish aylanmalari.
     «Bu tartiblar chetdan mahsulot olib kirish bilan birga ichki bozorda shu bilan shug‘ullanayotgan tadbirkorlarimiz uchun ham qo‘llanishi ko‘zda tutilmoqda. Shu sababli qonun loyihasi matni keyingi o‘qishlarda tahririy jihatdan o‘zgartirildi.
      Bu o‘z o‘rnida bozorlarda oshib borayotgan o‘simlik yog‘i, go‘sht va boshqa iste'mol mahsulotlarining narxi pasayib, barqarorlashiga olib kelishi zarur», – deb yozdi Kusherbayev Telegram'dagi kanalida.
Uning so‘zlariga ko‘ra, qonun loyihasi deputatlar tomonidan qo‘llab-quvvatlangan. Loyihani shu hafta so‘ngida kutilayotgan Senat yalpi majlisiga kiritish rejalashtirilgan.
   Qonun loyihasi deputatlar K.Ernazarov, M.Qurbonboyev va A.Umirov tashabbusi bilan ishlab chiqilgan.

Manba kun.uz

Ишонч телефонлари

  • Тел: 79 223-81-39

Бошқарма билан боғланиш

  • Тел: 79 223-81-39
  • Факс: 79 223-80-25
  • E-mail: info@naveconomy.uz
  • 210100, Навоий, Навоий кўчаси 30а уй
© 2019 Навоий вилояти Иқтисодий тараққиёт ва камбағалликни қисқартириш бош бошқармаси